Sa isang munting kahon,
na niluma na ng panahon.
Isang talaarawan,
ang aking natagpuan
Sa pagbabasa sa lumang aklat,
muling nagbalik sa ulirat.
Mga araw ng ng ligaya't saya,
panahon ng lungkot at pagluha.
Bawat salita, bawat intindihan.
sa pagitan namin ng talaarawan.
di pwedeng ipakita, o ipahiram.
kaming dal'wa lang, ang nakakaalam.
Ngunit tulad ng mga dahong nalalagas,
at wangis ng mga kulay na kumukupas.
Ang mga bulaklak ay nalalanta,
nauubos din ang mga pahina.
Sa pagbabago ng panahon,
Bagong talaarawan,
aking sisimulan.
Isang bukas na aklat,
ipagmamalaki sa lahat.
mga bagong pahina,
ng ligaya at saya.
Ang lumang talaarawan,
ng saya't kalungkutan.
ng saya't kalungkutan.
Ibabalik sa dating lalagyan,
at di na muling babalikan.